posted on 09 August 2015
ചാവക്കാട്‌: ഹനീഫ കൊല്ലപ്പെട്ടത്‌
അക്രമികളില്‍ നിന്നും രണ്ടു യുവാക്കള്‍ക്ക്‌ അഭയം നല്‍കിയതിന്റെ പേരില്‍ ദേശീയ
പാതയില്‍ നിന്ന് പരപ്പില്‍ താഴം ട്രഞ്ചിംഗ് ഗ്രൗണ്ട് വഴി പോകുന്ന റോഡ്
അവസാനിക്കുന്നത് ബേബി റോഡിലുള്ള ഹനീഫയുടെ വീടിനു മുന്നിലാണ്. വെള്ളിയാഴ്ച്ച
രാത്രി ഈ റോഡില്‍ ചിലര്‍ മദ്യപിച്ചു കൊണ്ടിരിക്കെ അതു വഴി ബൈക്കില്‍ പോയ
കാളിയകായില്‍ സെയ്തു മുഹമ്മദിന്റെ മകന്‍ ഷക്കീര്‍ (20), തെരുവത്ത് വീട്ടില്‍
ബഷീറിന്റെ മകന്‍ ഫൈസല്‍ (20) എന്നിവരെ തടഞ്ഞതുമായി ബന്ധപ്പെട്ട് തര്‍ക്കം
നടന്നിരുന്നു. ഇതേ തുടര്‍ന്ന ഈ രണ്ട് യുവാക്കളും ബൈക്കുമായി ഹനീഫയുടെ
വീട്ടിലേക്കാണ് അഭയം പ്രാപിച്ചെത്തിയത്. ഈ സമയം ഹനീഫയും മാതാവ് ഐഷാബിയും മാത്രമെ
വീട്ടിലുണ്ടായിരുന്നുള്ളു. വീട്ടില്‍ കയറിയവരെ പുറത്തിറക്കണെന്ന് യുവാക്കളെ
പിന്തുര്‍ന്നെത്തിയ ഐ വിഭാഗം പ്രവര്‍ത്തകര്‍ ആവശ്യപ്പെട്ടത് ഹനീഫ
വകവെക്കാതിരുന്നതുമായി തര്‍ക്കമുണ്ടായി. ഇതിനിടയിലാണ് സംഘം ഹനീഫയെ കുത്തി
മലര്‍ത്തിയതത്രെ. സംഘത്തില്‍ ഏഴോളം പേരുണ്ടായിരുന്നുവെന്നാണ് നാട്ടുകാര്‍
പറയുന്നത്. വെള്ളിയാഴ്ച്ച തിരുവത്രയിലെ ഒരാള്‍ക്ക് കുറച്ച് പൈസ ലോട്ടറി അടിച്ചു
കിട്ടിയതിന്റെ ആഘോഷമാണ് മദ്യ സല്‍ക്കാരത്തിലെത്തിയത്. ഇതിനിടയിലാണ് എ
വിഭാഗത്തില്‍ പെട്ട രണ്ട് യുവാക്കള്‍ അത് വഴി എത്തിയത്. വെള്ളിയാഴ്ച്ച രാത്രി
10ഓടെയാണ് കോണ്‍ഗ്രസ് ഐ ഗ്രൂപ്പില്‍ പെട്ട ഒരു സംഘം യുവാക്കള്‍ ഹനീഫയെയുടെ
വീട്ടില്‍ കയറി കുത്തിക്കൊന്നത്. വലത് വാരിയെല്ലിനു താഴെയാണ് കുത്തേറ്റത് രണ്ട്
പ്രാവശ്യം കുത്തേറ്റ ഹനീഫയുടെ കുടല്‍മാല പുറത്തായി. തളര്‍ന്നുവീണ ഉടനെ മരണവും
സംഭവിച്ചു. | 
