Posted on 10 October 2015 വടക്കേകാട്: നേതൃത്വതലത്തില്
സമവായ ചര്ച്ചകള് സജീവമായിരിക്കെ വേണ്ടി വന്നാല് ഒറ്റയ്ക്ക് പൊരുതാനും
സന്നാഹങ്ങളൊരുക്കി വടക്കേക്കാട് കോണ്ഗ്രസ് ഐ ഗ്രൂപ്പ് രംഗത്ത്. കോണ്ഗ്രസ്
കോട്ടയായി അറിയപ്പെടുന്ന വടക്കേകാട് പഞ്ചായത്തില് 16ല് 14 സീറ്റ് നേടിയാണ്
കഴിഞ്ഞ തവണ കോണ്ഗ്രസ് അധികാരത്തിലേറിയത്. കുറച്ചുകാലമായി വടക്കേക്കാട്
കോണ്ഗ്രസ് മണ്ഡലം മുന് പ്രസിഡന്റ് എന്.എം.കെ. നബീലിന്റെ നേതൃത്വത്തില് ഐ
ഗ്രൂപ്പ് പ്രവര്ത്തകരും ഗ്രാമപഞ്ചായത്ത് പ്രസിഡന്റ് ഫസലുല് അലിയുടെ
നേതൃത്വത്തില് എ ഗ്രൂപ്പ് പ്രവര്ത്തകരും വേറിട്ട വഴികളിലൂടെയാണ്
പ്രവര്ത്തിച്ചുവരുന്നത്. മന്ത്രിമാര് ഉള്പ്പെടെ സംസ്ഥാന നേതാക്കള്
പങ്കെടുക്കുന്ന പരിപാടികളില് വരെ ഗ്രൂപ്പ് വഴക്കിനെ തുടര്ന്ന് പരസ്പരം
പരിപാടികള് ബഹിഷകരിക്കുന്നത് ഇപ്പോള് വടക്കേകാട് പതിവാണ് . പഞ്ചായത്ത്
തിരഞ്ഞെടുപ്പില് സീറ്റുകള് പങ്കുവെക്കുന്നതിലും സ്ഥാനാര്ഥി
നിര്ണ്ണയത്തിലും ഗ്രൂപ്പ് താല്പര്യം അംഗീകരിച്ചില്ലെങ്കില് 16 വാര്ഡിലും
സ്ഥാനാര്ഥിയെ നിര്ത്തി മത്സരിക്കാനാണ് ഐ ഗ്രൂപ്പ് തീരുമാനം. |