പുന്നയൂര്കുളം: ലോറി ബൈക്കിലിടിച്ച്
ബൈക്ക് യാത്രികാനായ യുവാവിന് ഗുരുതരമായ പരിക്കേറ്റു. പൊന്നാനി സ്വദേശി
കോട്ടത്തറ കൃഷ്ണദാസി(27) നെ ഗുരുതരമായ പരിക്കുകളോടെ മുതുവട്ടൂര് രാജാ
ആശുപത്രിയിലും പിന്നീട് തൃശൂര് അശ്വിനി ആശുപത്രിയിലും പ്രവേശിപ്പിച്ചു.
കൃഷ്ണദാസിന്റെ വലത്കാലെല്ല് തകര്ന്നിട്ടുണ്ട്. ചൊവ്വാഴ്ച വൈകുന്നേരം 3.15ന്
പാലപ്പെട്ടി സെന്ററില് വെച്ച് ടിപ്പര്ലോറി ഇടിക്കുകയായിരുന്നു. ലോറി ഡ്രൈവര്
ഓടി രക്ഷപ്പെട്ടു. പൊന്നാനി തേവരക്ഷേത്രത്തിന് സമീപം പൂജാസ്റ്റോഴ്സ് നടത്തുന്ന
ഇദ്ദേഹം കടയിലേക്കുള്ള സാധനങ്ങള് വാങ്ങിക്കാന് ഗുരുവായൂരിലേക്ക്
വരുമ്പോഴായിരുന്നു അപകടം സംഭവിച്ചത്.
| 
