Posted on August 21 2015 എടക്കഴിയൂര്: എടക്കഴിയൂര്
കനോലികനാലിലെ മീനുകള് വീണ്ടും ചത്തുപൊന്തുന്നു. എടക്കഴിയൂര് നാലാംകല്ല്,
പഞ്ചവടി പ്രദേശങ്ങളിലായാണ് രണ്ടു ദിവസങ്ങളിലായി മീനുകള് മയങ്ങി
ചത്തുപൊന്തുന്നത്. രണ്ടുമാസങ്ങള്ക്ക് മുന്പും കനോലി കനാലില് ഈ മേഖലയില്
മത്സ്യങ്ങള് ചത്തിരുന്നു. വെള്ളത്തിനു നിറം മാറ്റം വരികയും, ദുര്ഗന്ധവും
വമിക്കുന്നുണ്ടെന്ന് നാട്ടുകാര് പറഞ്ഞു. കായലില് അറവുമാലിന്യം തള്ളുന്നതും
അവ കെട്ടിക്കിടന്നു കെട്ടിക്കിടന്ന് ദുര്ഗന്ധമുണ്ടാകുന്നതും
പരിസരവാസികള്ക്ക് അസഹ്യമായിട്ടുണ്ട്. ഈ മേഖലയില് തെരുവ് നായ്ക്കളുടെ ശല്യവും
രൂക്ഷമാണ്. . |