ചാവക്കാട്: വട്ടേക്കാട് നേര്ച്ച കഴിഞ്ഞു വീട്ടില് പോകവേ യുവാവിനെ
സംഘടിതരായി എത്തിയ ആറംഗ സംഘം ആക്രമിച്ചു. വട്ടേക്കാട് അടിതിരുത്തി വടക്കേതില്
കുമാരന് (27) നെ ചാവക്കാട് താലൂക്കാശുപത്രിയില് പ്രവേശിപ്പിച്ചു. വട്ടേക്കാട്
നേര്ച്ച കഴിഞ്ഞ് ഞായറാഴ്ച രാവിലെ ഒരുമണിക്ക് വീട്ടിലേക്ക് പോകുമ്പോള്
അടിതിരുത്തിയില് വെച്ചാണ് ആക്രമിക്കപ്പെട്ടത്. ചുള്ളിപ്പടിയിലുള്ള സംഘമാണ്
തന്നെ ആക്രമിച്ചതെന്നും കാരണം അറിയില്ലെന്നും കുമാരന് പറഞ്ഞു.
നേര്ച്ചക്കിടെ
മര്ദനമേറ്റ മാട് സ്വദേശി പുതുവീട്ടില് ഷംസു(32)വിനെ ചാവക്കാട്
താലൂക്കാശുപത്രിയില് പ്രവേശിപ്പിച്ചു. അഞ്ചങ്ങാടിയില്വെച്ച് ഒരു സംഘം
യുവാക്കളാണ് തന്നെ മര്ദിച്ചതെന്ന് ഷംസു പറഞ്ഞു.
നേര്ച്ചക്കിടെ അടിവസ്ത്രം
മാത്രം ധരിച്ച് മദ്യപിച്ചെത്തിയ യുവാവ് ജാറം അങ്കണത്തില് കയറി മണിക്കൂറുകള്
അഴിഞ്ഞാടി. അടിതിരുത്തി സ്വദേശി കബീര്(39) ചന്ദനത്തിരിയും കത്തിച്ച്
ജാറംഅങ്കണത്തില് ഇരുന്ന് ആടുകയായിന്നു. ഈ സമയം ജാറവും പരിസരവും സ്ത്രീകളും
കുട്ടികളും ഉള്പ്പെടെയുള്ള ഭക്തജനങ്ങളെക്കൊണ്ട് തിങ്ങി നിറഞ്ഞിരുന്നു.
ഞായറാഴ്ച രാവിലെ 12.15 ഓടെ യായിരുന്നു സംഭവം. പലരും എഴുനേല്പിക്കാന്
ശ്രമിച്ചെങ്കിലും കബീര് വഴങ്ങിയില്ല. പിന്നീട് അവിടെനിന്നും ജാറം
കെട്ടിടത്തിലേക്ക് ഓടിക്കയറിയ കബീറിനെ യുവാക്കള് കൈകാര്യം ചെയ്തു.
യുവാക്കളില് പലരും മദ്യലഹരിയില് ആയിരുന്നു. | 
