ചാവക്കാട്: ബസ്സ് തടഞ്ഞുനിര്ത്തി യുവാക്കള് കണ്ടക്ടറെ
മര്ദ്ദിച്ചു. ചാവക്കാട് പുതുപൊന്നാനി റൂട്ടിലോടുന്ന തീരം ബസ്സിലെ കണ്ടക്ടര്
മത്രംകോട്ട് പ്രമോദി(33) നെ മര്ദ്ദനത്തെതുടര്ന്ന് ചാവക്കാട്
താലൂക്കാശുപത്രിയില് പ്രവേശിപ്പിച്ചു. ഞായറാഴ്ച രാവിലെ ഒമ്പതരക്ക്
എടക്കഴിയൂര് പഞ്ചവടിയില് വെച്ച് ബസ്സ് തടയുകയും ഒരു പ്രകോപനവും കൂടാതെ നാല്
യുവാക്കള് സംഘം ചേര്ന്ന് കണ്ടക്ടറെ മര്ദ്ദിച്ചത്. കഴിഞ്ഞ ദിവസം ഈ ബസ്സില്
യാത്ര ചെയ്തിരുന്ന ഒരു സ്ത്രീയുമായി ബസ്സ് ചാര്ജ് മുഴുവനായും
നല്കാത്തതിന്റെ പേരില് സംസാരമുണ്ടായിരുന്നു. അവര് പഞ്ചവടി സ്റ്റോപ്പില്
ഇറങ്ങുകയും ഭീഷണിപ്പെടുത്തുകയും ചെയ്തിരുന്നുവത്രേ. ഈ സംഭവവുമായി അക്രമത്തിന്
ബന്ധമുണ്ടോ എന്ന് പോലീസ് അന്വേഷിക്കുന്നുണ്ട്. നാലുപേര്ക്കെതിരെ പോലീസ്
കേസെടുത്ത് അന്വേഷണം ആരംഭിച്ചു. | 
