ചാവക്കാട്:
എടക്കഴിയൂരില് വൈദ്യുതി ലൈനില് നിന്നും തീപടര്ന്ന് നിരവധി തവണ തെങ്ങിന്
തീപിടിച്ചു. ഒരേദിവസം ആവര്ത്തിച്ച് തെങ്ങിന് തീപടിച്ച കാര്യമറിയിച്ചിട്ടും
വൈദ്യുതി വകുപ്പ് അധികൃതര് ഗൗരവത്തിലെടുത്തില്ലെന്ന് ആക്ഷേപം. കഴിഞ്ഞ വര്ഷം
വീടിന് തീപിടിച്ച് മരിച്ച വെളിയംങ്കോട് വീട്ടില് അബ്ദുള്ളകുട്ടിയുടെ
വീടിനടുത്തുള്ള ട്രാസ്ഫോര്മറില്നിന്നുമുള്ള വൈദ്യുതി കമ്പികളില്നിന്നാണ്
തീപടരുന്നത്. പകല് 12 ഓടെ കാറ്റില് കമ്പികള് കൂട്ടിയിടിച്ച് തീപടര്ന്നാണ്
തെങ്ങ് കത്തിയത്. ഇതിനെ തുടര്ന്ന് നാട്ടുകാര് നിരവധി തവണ മണതല ബീച്ച് കെ എസ് ഇ ബി
സബ്ബ് എഞ്ചിനിയര് ഷിജുവിനെ വിവരമറിയിച്ചെങ്കിലും മൂന്നുമണിയോടെ മാത്രമാണ് അളെ
അയച്ചതെന്ന് പരാതിയുണ്ട്. എന്നാല് ഉദ്യോസ്ഥരെത്തിയിട്ടും നടപടിയെടുക്കാതെ
തിരികെ പോകുകയായിരുന്നു. ഇതിന് ശേഷം ആറുമണിയോടെ വൈദ്യുതി ലൈനില്നിന്നും
തീപടര്ന്ന് തെങ്ങ് വീണ്ടും കത്തുകയായിരുന്നു. എടക്കഴിയുര് ലൈഫ്
കെയര്പ്രവര്ത്തകര് തീയണക്കാന് ശ്രമിച്ചെങ്കിലും കഴിയാതെ വന്നതിനെ
തുടര്ന്ന് ഗുരുവായൂരില്നിന്നും ഫയര്പോഴ്സ് എത്തിയാണ് തീയണച്ചത്. | 
