posted on 19 May 2015 ചാവക്കാട്: കടലേറ്റം രൂക്ഷമായിരുന്ന ചാവക്കാട്
കടപ്പുറം പൂര്വ്വസ്ഥിതിയിലായി. ഞായറാഴ്ച രാവിലെ അപ്രതീക്ഷിതമായി ഉണ്ടായ
കടലേറ്റത്തില് നിരവധി കടകളിലേക്കും വാഹനങ്ങളിലേക്കും വെള്ളം കയറിയിരുന്നു.
കൂടാതെ തിര 300-ഓളം മീറ്റര് കരയിലേക്കും കയറി. നിരവധി വഞ്ചികള് വെള്ളത്തില് ഒഴുകി
നടന്നു. തിങ്കളാഴ്ച കടലേറ്റം ശക്തമല്ലായിരുന്നു. തിരമാലകള് കരയിലേക്ക് ഇരച്ചു
കയറിയില്ല. പ്രദേശവാസികള് കടലിലേക്ക് ചാലുണ്ടാക്കി വെള്ളം ഒഴുക്കി വിട്ടതിനാല്
കര പൂര്വ്വ സ്ഥിതിയിലായി. തിങ്കളാഴ്ചയും നിരവധി സന്ദര്ശകര് കടപ്പുറത്തെത്തി. |