ഗുരുവായൂര്:
വിവാഹ വാഗ്ദാനം നല്കി യുവതിയെ പീഡിപ്പിച്ച് 35പവന് സ്വര്ണ്ണാഭരണങ്ങള്
കവര്ന്ന കേസില് ഒരാള് കൂടി അറസ്റ്റിലായി. തമിഴ്നാട് തിരുനെല്വേലി
അഗ്രിക്കാട് വെസ്റ്റ് സ്ട്രീറ്റില് ജോണ്സണ്(36)നെയാണ് ഗുരുവായൂര് സി.ഐ കെ.ജി
സുരേഷിന്റെ നേതൃത്വത്തില് അറസ്റ്റു ചെയ്തത്. മാള സ്വദേശിനിയായ യുവതിയോട് പ്രണയം
നടിച്ച് യുവതിയെ ഗുരുവായൂരിലെ ലോഡ്ജില്വെച്ച് പീഡിപ്പിച്ച ശേഷം 35പവന്
സ്വര്ണ്ണാഭരണങ്ങളുമായി മുങ്ങിയ ഇടുക്കി ചക്ക്രമുക്ക് കുരുവിക്കാട്ടില് മധു(42)
എന്നയാളെ കഴിഞ്ഞ ദിവസം ഇതേ പോലീസ് സംഘം അറസ്റ്റ് ചെയ്തിരുന്നു. ഇയാളില് നിന്നും
മോഷണ മുതലില് നിന്നും 20പവന് സ്വര്ണ്ണാഭരണങ്ങള് വാങ്ങിയതിനാണ് ജോണ്സനെ
അറസ്റ്റ് ചെയ്തിരിക്കുന്നത്. മോഷണ മുതലാണെന്ന് അറിഞ്ഞിട്ടാണ് ഇയാള് ആഭരണം
വാങ്ങിയതത്രെ. ഒരു ലക്ഷം രൂപയ്ക്കാണ് ഇയാള് 20പവന് സ്വര്ണ്ണാഭരണങ്ങള് മധുവില്
നിന്ന് വാങ്ങിയത്. | 
