ചാവക്കാട്‌ : ചാവക്കാട്‌ നഗരസഭയും പി ടി എഫ് എ യും ചേര്‍ന്നൊരുക്കുന്ന ചാവക്കാട്‌ പുഷ്പഫല കാര്‍ഷിക ഗ്രൂഹോപകരണ
ഭക്ഷ്യമേള കെ വി അബ്ദുള്‍ഖാദര്‍ എം എല്‍ എ ഉദ്ഘാടനം ചെയ്തു. അറുപതിനായിരം ചതുരശ്ര അടിയില്‍ തീര്‍ത്ത പടുകൂറ്റന്‍
ഇന്‍ഫ്രാസ്ട്രക്ചര്‍ പവലിയനിലാണ് അപൂര്‍വ്വ കാഴ്ചകള്‍ ഒരുക്കിയിട്ടുള്ളത്‌. രണ്ടാഴ്ച നീണ്ടുനില്‍ക്കുന്ന മേളയില്‍ അലങ്കാര
മത്സ്യ പ്രദര്‍ശനവും വളര്‍ത്തു പക്ഷി - മൃഗപ്രദര്‍ശനവും മോട്ടോര്‍ഷോയും ഒരുക്കിയിട്ടുണ്ട്.
നഗരസഭാ ചെയര്‍പേഴ്സണ്‍ എ കെ സതീരത്നം ടീച്ചര്‍ അധ്യക്ഷത വഹിച്ചു. വൈസ്‌ ചെയര്‍മാന്‍ മാലിക്കുളം അബ്ബാസ്‌,
പ്രതിപക്ഷ നേതാവ്‌ കെ കെ കാര്‍ത്യായനി ടീച്ചര്‍, സ്റ്റാണ്ടിംഗ് കമ്മിറ്റി ചെയര്‍മാന്‍മാരായ എം ബി രാജലക്ഷ്മി, ടി എസ്
ബുഷറ, പി വി സുരേഷ് , കൌണ്‍സിലര്‍മാരായ കെ വി ഷാനവാസ്‌, പി യതീന്ദ്രദാസ്‌, വിവിധ രാഷ്ട്രീയ നേതാക്കളായ എന്‍
കെ അക്ബര്‍, ലാസര്‍ പേരകം, പി കെ സൈതാലിക്കുട്ടി, കെ സി മുരളി, സുരേഷ്കുമാര്‍, അഷറഫ്‌ അലി, പി ടി എഫ് എ മാനേജര്‍
ബിനു എന്നിവര്‍ സംസാരിച്ചു.
