Posted on: 07 October 2015 ചാവക്കാട്: പുന്നയൂര് പഞ്ചായത്ത് കേരളോത്സവം കലാപ്രതിഭയായി എടക്കഴിയൂര്
വാക്കയില് മുരളീധരന്-ഷര്മിള ദമ്പതിമാരുടെ മകന് സച്ചിന്. എടക്കഴിയൂര്
6-ാം കല്ല് ജി.എല്.പി. സ്കൂളില് നടന്ന മത്സരത്തിലാണ് എടക്കഴിയൂര് ഡി-
സോണ് കലാസാംസ്കാരിക സമിതിയെ പ്രതിനിധീകരിച്ച് സച്ചിന് മത്സരത്തില്
പങ്കെടുത്തത്. നാടന്പാട്ട്, കവിതാപാരായണം, ചെണ്ടവാദ്യം, മിമിക്രി, ദേശഭക്തിഗാനം,
നാടകം, സംഘഗാനം എന്നിവയില് എ ഗ്രേഡും ലളിതഗാനം, മോണാആക്ട്,
കഥാപ്രസംഗം എന്നിവയില് സെക്കന്ഡ് ഗ്രേഡും നേടിയാണ് സച്ചിന് കലാപ്രതിഭയായത്.
സച്ചിന്റെ ഡി- സോണ് ക്ലബ്ബ് ഓവറോളും വോളിബോള് ചാമ്പ്യന്ഷിപ്പും കരസ്ഥമാക്കി.
പന്ത്രണ്ട് ക്ലൂബ്ബുകളാണ് മത്സരത്തില് പങ്കെടുത്തത്. 2013-14ലെ കേരളോത്സവത്തിലും സച്ചിന്
കലാപ്രതിഭയായിരുന്നു. എടക്കഴിയൂര് സീതിസാഹിബ് സ്കൂളിലെ പ്ലസ്ടു വിദ്യാര്ത്ഥിയാണ്. കേരളത്തില് നടന്ന
നിരവധി കലാകായിക മത്സരങ്ങളില് സച്ചിന് സമ്മാനങ്ങള് കരസ്ഥമാക്കിയിട്ടുണ്ട്. |